Футсал репрезентативците подобри од Грција

Футсал репрезентацијата на Македонија вечерва во „Јане Сандански“ ја совладаа селекцијата на Грција со 5:3 (3:0) во првиот дуел од претквалификациите за пласман во елитната рунда квалификации за СП.

Стрелци на головите за „црвено-жолтите“ беа Зибери, Андов и Левески и два на Крстевски. Ставракопулос и Тарлас со два гола беа прецизни за гостите.

Македонија имаше сигурно водство од 3:0, но потоа дозволи Грците да израмнат (3-3). На две минути до крајот сепак Крстевски прво донесе водство за Македонија, а потоа пред самиот крај го постави конечниот резултат 5-3.

Претходно денеска во нашата група, Албанците беа подобри од Сан Марино со убедливи 5:0.

Македонија по мечот со Грција, ја чека пресметката со Сан Марино утревечер, а против Албанија дуелот е во недела од 20 часот. Со победа во утрешниот меч со аутсајдерот Сан Марино ќе осигураме пласман на едно од првите две места на табелата, кои значат прескокнување на претквалификациите.