Белинда Бенчиќ со прва ВТА титула по две години

Белинда Бенчиќ ја освои својата прва титула во професионалниот тенис по две години, откако ја победи Петра Квитова со 6:3, 1:6, 6:2 во финалето на турнирот за жени во Дубаи.

Дваесет и едно годишната Швајцарка, која стигна до седмото место на светската ВТА листа пред да добие повреда на зглобот, за последно триумфираше на турнирот во Санкт Петербург во 2016-та.

– Одиграв многу добар турнир, ја поздравувам и Петра. Таа играше брз тенис, но јас се обидов да и отежнам и се радувам што работите излегоа како што сакав. Можеби мојата издржливост влијаеше на натпреварот. Се чувствувам одлично!, рече младата Швајцарката по завршувањето на натпреварот.

Бенчиќ направи силен старт со двоен брејк за 4:1, а подоцна го затвори сетот со силен форхенд по должина на теренот. Квитова го освои следниот сет, но во третиот направи двојна грешка при 5:3 и дозволи меч топка за Швајцарката, која ја искористи со безмилосен бекхенд.