Шведска со титула во женската штафета по голема битка со Норвешка

Стина Нилсон го преживеа нападот на норвешката скијачка Тереза ​​Јохауг и донесе на Шведска прва светската титула во историјата во штафетата на 4 х 5 километри за жени во крос-кантри скијање на Светското првенство во Зефелд (Австрија).

Еба Андерсон, Фрида Карлсон и Шарлоте Кала се останатите натпреварувачки во штафетата на Шведска, која заврши за 55:21.0 минути.

Олимписката шампионка во спринтот од ПјонгЧанг 2018, Нилсон започна на последниот пост со 18.8 секунди предност и заврши на 3,1 секунди пред Јохауг, која требаше да се задоволи со сребрено одличје по четири последователни светски титули за Норвешка во оваа дисциплина. Норвешка е олимписки шампион од ПјонгЧанг 2018. Во тимот беа уште Хајди Венг, Ингвилд Јостберг и Астрид Јакобсен.

На третата позиција заврши екипата на Русија, во состав Јулија Белорукова, Анастасија Седова, Ана Нечаевскаја, Наталија Непрјаева, на 2: 03.8 минути по победничката.

Шведска никогаш досега во историјата не освоила светската титула во штафетата на 4 х 5 километри, а за последен пат, скандинавките триумфираа во 1960 година во формат 3 х 5 километри.

Шведска е олимписки шампион од Сочи 2014, а Кала тогаш повторно беше дел од составот.