Етиопеецот Легесе го освои маратонот во Токио

Етиопеецот Бирхану Легесе го освои маратон на улиците на главниот град Јапонија, Токио. Тој го надмина растојанието од 42.195 километри за 2:04.48 часа. Временските услови во Токио не беа многу погодни за трката, бидејќи врнеше и времето беше ладно.

– Мило ми е што победив, но лошото време беше пречка за мене, се надевав на подобар резултат, рече победникот по трката.

Второто и третото место ги освоија претставниците на Кенија – Бедан Чароки со 2:06.48 и Диксон Чумба со 2: 08.44, кој минатата година стана шампион.

Кај жените, првите три беа од Етиопија. Победничка беше Рути Ага со 2:20.40, по што следеше нејзиниот сонародник Хелен Тола со 2:21.01 и Шура Демисе со 2:21.05.

Околу 38.000 луѓе учествуваа на токискиот маратон оваа година