Леброн го надмина Мајкл Џордан на листа на најдобри стрелци

Леброн Џејмс го надмина легендарниот Мајкл Џордан на листата на најдобрите реализатори во НБА. Ова се случи за време на натпреварот против Денвер Нагетс, кој „езерџиите“ го загубија со 99:115.

На почетокот на натпреварот, Џејмс имаше потреба од само 13 поени за да го надмине рекордот на Џордан со 32.292. Актуелната голема ѕвезда во лигата тоа го направи во втората четвртина.

Леброн доби честитки од неговите соиграчи и публика од „Стејплс Центар“за неговото извонредно достигнување.

Тој го заврши натпреварот со 31 поен, но сепак остана горчината од поразот.

Резултати од НБА:

Вашингтон – Далас 132:123 Детроит – Минесота 131:114 Шарлот – Мајами 84:91 Атланта – Сан Антонио 104:111 Бруклин – Кливленд 113:107 Чикаго – Филаделфија 108:107 Њу Орлеанс – Јута 104:114 Феникс – Њујорк 107:96 Сакраменто – Бостон 109:111 Лејкерс – Денвер 99:115.