Новицки го надмина легендарниот Вилт Чембрлен

Дирк Новицки го надмина легендарниот Вилт Чембрлен на вечната листа на реализатори во НБА.

Германецот имаше потреба од само 4 поени во натпреварот кој неговиот Далас Маверикс го загуби во продолжението против Њу Орлеанс Пеликанс, за да го подобри рекордот на најдобриот играч во НБА од 60-тите години.

Рекордот падна во првата четвртина откако Новицки ги реализираше првите два шута.

– Цела сезона се зборуваше дека можам да го надминам и се радувам што конечно целата приказна е зад мене, рече Дирк Новицки.

Вилт Чемберлен постигна 31.419 поени за 15 сезони во лигата. Дирк Новицки го надмина во својата 21 година во НБА, играјќи околу 400 меча повеќе од легендарниот центар.

Четириесет годишниот Германец се уште не објавил официјално дали ќе ја заврши кариерата на крајот од сезоната.

Цела година тој се радува на вниманието на навивачите во сите сали во лигата, кои го „испратија“ за секој случај, бидејќи не знаат дали ќе го видат повторно на теренот.

Резултати од НБА:

Кливленд – Детроит 126:119 Вашингтон – Јута 95:116 Бостон – Денвер 105:114 Торонто – Њујорк 128:92 Оклахома Сити – Мајами 107:116 Сан Антонио – Голден Стејт 111:105 Далас – Њу Орлеанс 125:129 по продолжение Феникс – Чикаго 101:116 Портланд – Индијана 106:98.