Сан Антонио и Оклахома обезбедија место во плејофот

Екипите на Сан Антонио и Оклахома Сити си обезбедија учество во плејофот.

Сакраменто, кој беше поразен од Хјустон со 108:119, отпадна од битката за пласман воелиминациската фаза. Така, последните осум учесници од Западната конференција веќе се дефинитивно јасни.

Сан Антонио се квалификуваше за плејофот во 22 последователни сезони, повторувајќи го рекордот на НБА, кој и припаѓа на Филаделфија. Сан Антонио не го пропуштил плејофот од 1997 година.

Резултати од синоќешните дуели:

Клиперс – Кливленд 132: 108 Хјустон – Сакраменто 119: 108 Бруклин – Бостон 110: 96 Детроит – Портланд 99:90 Индијана – Орландо 116: 121 Њујорк – Мајами 92: 100 Чикаго – Торонто 101: 124 Минесота – Филаделфија 109: 118 Феникс – Мемфис 115: 120.