Кошаркарите од Евролигата бараат отстранување на рекламите од паркетот поради опасност од повреди

Здружението на професионални кошаркари во Евролигата, упати барање до раководството на натпреварувањето, да ги отстранат рекламните лепенки од теренот бидејќи се потенцијална опасност за повреди.

Со играчите се сложува и и тренерот на Химки, и поранешен кошаркар Римас Куртинаитис.

– Многу години по ред предупредувам за овој проблем. Порано рекламните лепенки беа за еднократна употреба, се лепеа и не се вадеа цела сезона. Сега се случува честа нивна промена и тоа остава белег. Според мое мислење, 80 отсто од повредите на играчите се како резултат од лизгање по нив. Тренерите и самите кошаркари многу зборуваат за тоа, но никој не нѐ слуша. Јас сум за целосно отстранување или враќање на налепници за еднократна употреба. Да, тоа е поскапо. Но, кога клубот плаќа за кошаркар многу пари, а потоа го губи заради технички проблеми, тоа е крајно глупаво, изјави Куртинаитис.