Шампионите го започнаа победнички плејофот на НБА

Шампионот на НБА, Голден Стејт запишаа успешен старт во плејофот на Западната конференција откако ги победија Л.А. Клиперс дома со 121:104 дома во првиот натпревар од четвртфиналната серија.

„Воините“ презедоа контрола во средината на вториот дел и до полувремето водеа со 13 поени, по што не ја испуштија предноста до крајот.

Над сите на теренот беше Стеф Кари со 38 поени, 15 скока и 7 асистенции, а Кевин Дурант додаде 23 поени за успехот. Дрејмонд Грин постигна 17 поени, 7 скока и 7 асистенции.

Вториот меч од серијата е за два дена повторно во Оукленд.

Средби од првото коло во плејофот на НБА (се игра до четири победи во седум натпревари):

Источна конференција: Торонто – Орландо 101: 104 * Орландо води со 1:0 во серијата. – – – Филаделфија – Бруклин 102:111 * Бруклин води со 1:0 во серијата.

Западна конференција: Голден Стејт – Лос Анџелес Клиперс 121:104 * Голден Стејт води со 1:0 во серијата. – – – Денвер – Сан Антонио 96:101 * Сан Антонио води со 1:0 во серијата.