Екоактивистката Грета го повика папата да се придружи во борбата против климатските промени

Шведската тинејџерка Грета Тунберг, која поттикна протести на младите против глобалното затоплување, денеска имаше куса средба со папата Франциско, кој ја охрабрил во нејзината посветеност и борба против климатските промени.

– Беше многу пријателски расположен. Се насмевнуваше цело време, изјави Тунберг по средбата со поглаварот на Католичката црква.

– Му се заблагодарив на неговата борба против климатските промени. А тој ми рече: Продолжи така, Грета. само продолжи!изјави 16-годишната средношколка.

Тунберг, која поттикна протести на учениците ширум Европа, беше меѓу одбраните гости кои добија можност да се сретнат и ракуваат со папата Франциско за време на неговата неделна аудиенција.