Научната и уметничка визита на МАНУ почнува со лингвистичка работилница
Истражувачкиот центар за ареална лингвистика при МАНУ од денеска до 29 јуни во Куќата на Уранија во Охрид организира лингвистичка работилница во рамки на манифестацијата „Научна и уметничка визита 2019“.
На работилницата ќе се разгледуваат методите на обработка на дијалектни атласи, теоретските и методолошките поставки на дијалектолошките истражувања, современата состојба на македонските дијалекти, а ќе се дискутира и за концепцијата за изработка на дескриптивна граматика на македонскиот јазик.
Научната и уметничка визита која е во рамки на летните активности на МАНУ опфаќа научни средби, изложби и промоции на членовите и центрите на Академијата.
