Во новиот број на АКТ содржини посветени на јубилејот на поетот Славе Ѓорѓо Димоски
Списанието за книжевност и култура АКТ во своето 65. издание донесува содржини посветени на јубилејот на истакнатиот македонски поет Славе Ѓорѓо Димоски, по повод 60 години од животот и 40 години од излегувањето на неговата прва книга „Гравири“.
За творештвото на Димоски пишуваат Венко Андоновски и Димитар Пандев.
Со нова поезија е застапена Горадана Михаилова-Бошнакоска, а во рубриката проза се објавени Венко Андоновски и Николина Андонова-Шопова. Критичко-есеистички текстови во новиот број на АКТ објавуваат Витомир Митевски, Маја Апостоловска и Славица Гаџова Свидерска. Со драмски текст се преставува францускиот рамансиер и драматург Флоријан Зелер.
