Д-Фестивал оваа година со Tigo Challenge зона

Финансиското друштво Тиго Фајнанс и продукциската куќа- организатор на едни од најпосетените фестивалски случувања кај нас, Пасворд Продакшн, го најавија своето ексклузивно партнерство за претстојните Д Фестивал, Green Beach фестивал, Таксират и Skopje Beer Fest.

Првиот во низата е претстојниот Д Фестивал кој се одржува викендов на плажите на Дојранското езеро, каде во текот на трите фестивалски дена, во кампусот на фестивалот ќе биде поставена т.н. „Tigo Challenge зона“, каде покрај простор за релаксирање, одморање и дружење, за посетителите ќе бидат понудени и дополнителни активности. Во виолетовата Тиго зона, присутните од водителот на настанот Гораст Цветковски ќе бидат предизвикани да се докажат во некоја од индивидуалните игри, а највештите ќе бидат наградени со уникатни изненадувања.

„Партнерството со Пасворд Продакшн и Тиго Фајнанс дојде сосема спонтано и природно, а како заедничка вредност го идентификувавме единственото искуство што го обезбедуваат обата бренда. Со оваа активност, Тиго Фајнанс ги искажува своите искрени намери и поддршка за создавање и одржување квалитетни содржини за младите луѓе во доменот на музичката уметност и културата. Сигурни сме дека, почнувајќи со Д Фестивал викендов, фестивалите ќе ги имаат своите најдобри изданија досега“, изјави Филип Димитровски, Извршен директор на Тиго Фајнанс.

Годинешниот, деветти по ред Д фестивал, ќе се одржи од 12-ти до 14-ти јули и најавени се повеќе од 50 македонски и странски музички изведувачи. Се издвојува со својот музички профил како и уникатен open-air концепт. Пасворд Продакшн своето реноме низ годините го изгради како издавачка куќа и музички промотор која ги организира најавтентичните музичко-сценски настани и најголемите музички фестивали кај нас и која важи за најактивниот промотор на македонските, но и регионалните, музички уметници на интернационалната сцена.

Повеќе информации за Тиго Фајнанс се достапни на веб страницата www.tigo.mk