Туск му одговори на Џонсон за бекстоп

Претседателот на Европски совет, Доналд Туск денеска изјави дека во писмото што го добил од британскиот премиер Борис Џонсон не се наведени реални алтернативи за бекстоп – решение на прашањата за границата помеѓу Република Ирска и британската покраина Северна Ирска по излегувањето на Велика Британија од Европска Унија.

– Бекстоп претставува гаранција дека нема да има тврда граница на ирскиот остров се додека не се најде друго решение, истакна Туск.

Тоа е одговорот на Туск на писмото од Џонсон во кое британскиот премиер бара од ЕУ да се откаже од бекстоп.

– Тие кои се против бекстоп и не предлагаат реалистични алтернативи всушност поддржуваат повторно воспоставување на границите. Дури и доколку не го признаваат тоа, објави Туск на Твитер.