Дејан Недев на карате семинар во Берлин

Македонските каратисти Дејан Недев и Емилија Јанчевска од денес до недела (29 септември) ќе бидат во Берлин, Германија на европскиот ЈКА карате семинар.

На семинарот ќе учествуваат и врвни јапонски инструктори од ЈКА Токио и тоа Сенсеи Такенори Имура 8 дан и Сенсеи Шина Катситоши 7 дан.

Овој настан е увертира пред претстојните големи карате натпревари и тоа светскиот фудокан шампионат од 1-3 ноември во Синделфинген, Германија и официјалниот ИТКФ светски шампионат од 3-9 декември во Куритиба, Бразил.