Драмски театар со „Странци“ ќе гостува на Меѓународниот театарски фестивал во Тетово

Драмски театар Скопје со претставата „Странци“ во режија на Нела Витошевиќ, вечер ќе учествува на 7. Меѓународен театарски фестивал во Тетово.

Во претставата „Странци“ учествуваат актерите: Игор Ангелов, Ирена Ристиќ, Биљана Драгиќевиќ Пројковска, Зоран Љутков, Сања Арсовска, Филип Трајковиќ и Предраг Павловски.

Драматург на претставата е Викторија Рангелова – Петровска, сценограф Костантин Трпеноски, костимограф Роза Трајческа – Ристовска, а музиката е на композиторот Огнен Анастасовски.

Претставата ќе се изведе на големата сцена на Театарот во Тетово.