„Аб’т“- нова книга од Оливера Ќорвезироска
Новата книга „Аб’т“ од македонска писателка и критичарка Оливера Ќорвезироска утре излегува од печат. Издавач на делото е издавачката куќа „Или-или“. Корицата на книгата ја изработија Марија Смилевска и Владимир Лукаш, а нејзиното излегување е помогонато од Министерството за култура.
По теориската „Еден текст и една жена“ (2016) и збирките раскази „(СО)шиени раскази“ (2017) и „Улиците што ги нема“ (2018), ова е четврта соработка на издавачката куќа „Или-Или“ со еминентната книжевна критичарка и писателка.
– По 14-годишна пауза и нејзиниот тогаш прв роман „Заклученото тело на Лу“ (Магор, 2005), Ќорвезироска повторно влегува во романескните води и ни го „подарува“ можеби нејзиниот најличен ракопис, како 175 наслов во популарната едиција „ПРОаЗА“, соопшти „Или-или“.
Романот веќе од утре ќе може да се набави во книжарницата „Или-или“, а во следните денови и во останатите книжарници во Скопје и низ државава.
Оливера Ќорвезироска (1965) е авторка на следниве книги: „Страдањата на младиот лектор“ 2000, „Сплетени раскази“ 2003, „Две перници“ 2010, „Новелички без шеќер“ 2017, „Сошиени раскази“ 2017, „Улиците што ги нема“ 2018 (раскази за возрасни); „Заклученото тело на Лу“ 2005, „Аб’т“ 2019 (романи за возрасни); „Отвораат ли сништата работа“ 1999, „Еден Текст и една жена“ 2016 (критика и есеистика); „Кифличката Мирна“ 1993 и „Мојот брат од тринаесеттиот кат“ 2001, преиздадени 2018 (романи за деца); „Дедо Миле“ 2000, преиздадена 2019 (сликовница); „Трети кат“ 1982, „Високите бели“ 1989 (поезија).
