Каратистот Емил Павлов на прием кај штипскиот градоначалник

Освојувачот на Премиер лигата во карате во Москва, Русија, Емил Павлов денеска оствари средба со штипскиот градоначалник, Благој Бочварски. На приемот присуствуваа и и претседателот на Комисија за спорт, Елмир Мандак и еден од тренерите на Павлов, Жарко Арсовски.

Каратистот Емил Павлов освои златен медал на оваа Премиер лига, победувајќи шест противници, од кои двајца светски прваци и еден освојувач на Европски игри.

– Емил со овој златен медал е поблиску до Олимпијадата којашто ќе се одржи наредната година. Токму заради тоа можам да кажам дека сум исклучително горд на сите овие успеси коишто ги остварува Емил Павлов,вели Бочварски.

Павлов додаде дека неговите очекувања секогаш се високи, затоа што го дава својот максимум во секој меч.

– Имав многу тешки шест борби од кои шест победи и меѓу кои двајца светски прваци и еден актуелен освојувач на златен медал на Европски игри, рече Павлов.

Општина Штип како стимул му додели парична награда во висина од 30.000 денари со што, како што рече Бочварски покажува дека спортот за локалната самоуправа е високо на агендата, кога се работи за секаква помош и поддршка на нашите спортисти.