Седум години подоцна: Миличиќ се врати на кошарката, но се повреди

Дарко Миличиќ повторно игра кошарка по седумгодишен прекин. 34-годишниот Србин е дел од составот „I Came To Play“ со седиште во Нови Сад и игра во четвртата дивизија на локалната кошарка.

Избран под број 2 на НБА Драфтот во 2003 година, Миличиќ заврши со 2 поени, но се повлече поради повреда, пренесоа медиумите во Србија.

Миличиќ не е единственото познато име во составот, откако таму е и Јово Станојевиќ, кој има повеќе од 50 натпревари во Евролигата и Бранко Цветковиќ, кој играше за Србија на ЕП 2007 година. Дарко, 213 сантиметри висок, беше за последно дел од Бостон во 2012 година, а потоа имаше кратка авантура во професионалното кикбокс.

Поранешниот играч на Детроит, Орландо, Мемфис, Њујорк, Минесота и Бостон одигра 468 натпревари во НБА, откако ја освои титулата со Детроит Пистонс уште во својата дебитантска година.