Картер е првиот играч во историјата што учествувал во 22 сезони во НБА

Олимпискиот шампион од Сиднеј 2000, Винс Картер, стана првиот играч во историјата кој зел учество 22 сезони во НБА. 42-годишниот ветеран влезе како резерва и запиша 10:14 минути на теренот со една асистенција во успехот над домаќинот Детроит со 117:100 на Атланта, во првиот натпревар од новата кампања.

Картер ја започнува својата втора сезона во тимот, за кој во просек оствари 7,4 поени, 2,6 скока и 1,1 асистенции на 76 натпревари минатата сезона.

Седумкратниот играч на Олстар натпреварот во НБА лигата има настапувано и за Торонто, Њу Џерси, Орландо, Феникс, Далас, Мемфис и Сакраменто, запишувајќи 1.482 натпревари во регуларната сезона (петти во генералниот пласман во лигата) со 25.430 поени.

Тој исто така има 88 настапи во плејофот.