Јужнокорејски хеликоптер со седум лица се урна во море, крај спорниот остров Докдо

Јужнокорејски противпожарен хеликоптер со седум лица во него се урнал во морето кај островот Докдо, изјави претставник на противпожарната служба.

Британските медиуми пренесуваат дека јужнокорејската Крајбрежна стража и приватни бродови го пребаруваат брегот каде паднал хеликоптерот во потрага по евентуално преживеани, а Министерството за одбрана испратило бродови, авиони и нуркачи да помогнат во спасувањето.

Хеликоптерот превезувал еден пациент до болница на јужнокорејскиот брег. Се урнал набрзо по полетувањето од островот Докдо.

Островот е еден од малите острови врз кои претензии покажуваат и Јужна Кореја и Јапонија, но областа ја контролира Сеул со малубројна крајбрежна стража.