Пожар во авионот со кој патуваше јапонскиот премиер Абе

Во владиниот авион на Јапонија, со кој јапонскиот премиер Шинѕо Абе денеска отпатува во Тајланд, избувна пожар кој е изгаснат за кратко време, соопштија властите.

Пожарот го зафатил задниот дел на авионот „Боинг 777-300 ЕР“, додека членовите на екипажот ја подготвувале храната за време на летот и веднаш го изгасиле, пренесува јапонската агенција Кјодо.

Како што е наведено, никој не е повреден и не бил променет планот на летот.

Овој авион во април го замени „Боинг 747“ што до тогаш го користеше Владата на Јапонија.