Хамилтон по шести пат шампион во Формула 1

Британскиот возач во Формула 1, Луис Хамилтон по шести пат го освои шампионскиот трофеј во Формула 1.

Тој вчера го освои второто место на трката за големата награда на САД и теоретски го потврди трофејот на две трки до крајот на сезоната.

Најбрз на вчерашната трка беше клупскиот колега на Хамилтон, Валтери Ботас.

Покрај пилотите на Мерцедес, подиум на Гран-прито во САД обезбеди уште и Макс Верстапен од Ред Бул.

За Ботас ова беше четврта сезонска победа и вкупно седма во неговата кариера, а Хамилтон остана на 83 триумфи.