Беретини се запиша во историјата по победата против Тим

Матео Беретини влезе во историјата на финалниот АТП турнир во Лондон, откако стана првиот Италијанец со победа на завршниот турнир во годината.

Тој го совлада Доминик Тим со 7-6, 6-3 за да го заврши натпреварувањето со еден успех. Натпреварот беше ирелевантен за двајцата, бидејќи Беретини беше елиминиран по 2 порази, додека Австриецот беше прв во групата, откако ги совлада Федерер и Ѓоковиќ, кои ќе го утврдат вториот полуфиналист во директен судир.

– Јас сум навистина горд на себе, но јас сум повеќе среќен за мојот тим, семејството и пријателите. Сезоната беше навистина неверојатна. Не очекував да бидам тука на почетокот на годината, но се надевам дека ќе се вратам следната година, рече Беретини.

Италијанецот пристигна во Лондон како број 8 на АТП рангот, откако направи голем пробив.