Горивото на Ферари е тестирано најмалку 10 пати во 2019 година

Шефот на Ферари, Матија Биното изјави дека нивото на горивото на тимот било проверено најмалку десет пати во текот на сезоната 2019 година. Во последната рунда сезонава, ФИА откри дека соопштеното од тимот количество на гориво се разминува со 4,88 кг од неговото мерење пред стартот.

„Ова не беше прв пат да го проверат нашето гориво. Оваа сезона се случи најмалку 10 пати. На секој преглед сè беше во ред, но денес имавме неусогласеност“, откри Биното, објаснувајќи дека постапката за мерење гориво е лесна и добро позната. „Вие прогласите одредена количина на гориво пред почетокот на трката со која го полните автомобилот. Понекогаш ФИА го проверува ова со едноставно мерење на автомобилот, празнење на автомобилот и потоа повторно тежење. Разликата мора да го покаже количеството гориво, што сме го соопштиле“.

Несогласувањето на горивото дојде во трка во која стратегијата на пилотите на Ферари беше да заштедат гориво. Сепак, Биното негираше каква било врска помеѓу двете нешта.