Тренерот на Борусија (М): Ова е доказ дека сме на вистинскиот пат

Тренерот на Борусија (Менхенгладбах) Марко Розе им честиташе на своите фудбалери за нивната волја при тешката победа од 2:1 над шампионот Баерн Минхен во 14-то коло од Бундеслигата.

Со оваа победа „ждребињата“ остануваат на прво место, а шампионите се далеку назад на табелата.

– Овој резултат покажува дека сме на вистинскиот пат. Дуелот беше исклучително тежок. Тоа беше натпревар со две полувремиња. Во првото, ривалот доминираше, а нас ни недостасуваше самодоверба и храброст. Нивниот гол веднаш по паузата беше алармот што нè разбуди. Потоа игравме отворено и имавме добар натпревар. Подготвени сме да веруваме во себе во 90 минути. Но, ние мора да играме онака како што сторивме во второто полувреме, изјави Розе.

Гладбах има најмногу победи во германскиот шампионат оваа сезона – 10.