За секое забивање или тројка по 100 долари за Австралија

Кошаркарот на Жалгирис Џок Лендејл ќе донира по 100 долари за секо забивање или тројка на утрешниот меч против Реал Мадрид во Евролигата како помош за неговата родна Австралија која е погодена од катастрофални пожари.

Лендејл, кој е роден во Мелбурн, оваа сезона бележи просек од 10,8 поени и 4,1 скок по натпревар за литванскиот тим.

– Сакам да ја искористам прилика и да помогнам на заедниците во Австралија. Се надевам дека ќе предизвикам реакција и кај останатите колеги да помогнат, рече Лендејл за клупската телевизија на Жалгирис.

Мечот меѓу Жалгирис и Реал е утревечер во Мадрид.

Денеска, донација во висина од 750 илјади долари за својата татковина собраа австралиските кошаркарки од НБА-лигата.