ЕСПН: Покрај Коби Брајант, загина и неговата 13 годишна ќерка Џиана

Трагична вест го погоди светскиот спорт. Американските медиуми пренесоа дека Коби Брајант го загуби животот во хеликоптерска несреќа во САД.

Информација за несреќата прв објави американскиот таблоид „ТМЗ“ за потоа и „Лос Анџелес Тајмс“ излезе со фотографија од местото на несреќата со дополнување дека сите патници и членови на екипажот ги загубиле животите во падот на хеликоптерот.

Според првичните и неофицијални информации, заедно со Коби Брајант во хеликоптерската несреќа загинала и една од неговите четири ќерки 13 годишната Џиана Мариа-Оноре Брајант.

Информацијата дека во хеликоптерот била и неговата ќерка ја објавија спортските новинари на ЕСПН и додадоа дека заедно со уште пријател Брајант и Џиана оделе на тренинг.