Официјално: Загинати девет лица, причините за падот на хеликоптерот на Брајант се уште непознати

Легендарниот поранешен кошаркар во НБА, Коби Брајант, загина во хеликоптерска несреќа во Калифорнија, потврдија официјални лица. Во хеликоптерската несреќа во Калабасас, Калифорнија загина и неговата 13-годишна ќерка Џана.

„Брајант беше меѓу патниците што патуваа со хеликоптер. Девет лица се загинати, нема преживеани во хеликоптерска несреќа во Калабасас. Причините за падот се уште се истражуваат, соопшти Одделот на шерифот на округот Лос Анџелес на Твитер.

Брајант е роден 1978 година во Филаделфија, а целата кариера играше за Лос Анџелес Лејкерс од 1996 до 2016 година, освојувајќи пет титули во НБА.

Беше двапати најкорисен играч на финалето во НБА, еднаш МВП од регуларната сезона, 18 пати учествуваше во „Ол-стар“, победи на натпревар за забивање, двапати беше најдобар стрелец на лигата.