Стеф Кари ќе биде главната причина за трансфер на Адетокумбо во Голден Стејт

Има премногу шпекулации за иднината на суперѕвездата на Милвоки Бакс, Јанис Адетокумбо.

Договорот на крилото истекува следното лето, а јасните намери на „елените“ сè уште не се познати.

Затоа американските медиуми почнаа да шират информации дека Голден стејт Вориорс може да го украде Јанис од Милвоки.

– Ако Јанис стане слободен агент следното лето, тој ќе има 26 години. Стеф Кари, кој е во пријателски односи со него, се смета за главната причина што Јанис се свртел кон „воините“. Тој ќе има 33 години, а Клеј Томпсон, кој во моментов е во доцните фази на закрепнување од повреда, и Дрејмонд Грин, кој покажува рани знаци на физички пад, ќе имаат по 31 година, објаснува новинарот Ентони Слејтер од „Атлетик“.

Стеф Кари навистина се разбира со Јанис, но сè уште не е познато дали тоа ќе биде доволна причина грчкиот феномен да го напушти неговиот сегашен клуб.

Милвоки има опција да понуди договор „супер-максимум“ на Јанис ова лето, каков што е планот на генералниот директор на клубот Џон Хорст.