Дендиас и Борел утре во посета на грчко- турската граница кај Еврос

Грчко – турската граница кај Еврос ќе ја посетат утре министерот за надворешни работи на Грција Никос Дендиас и потпретседателот на Европската комисија и комесарот за надворешна политика и безбедност Џозеп Борел, објавија грчките медиуми.

Според „Катимерини“, Борел ќе на граничниот премин кај Еврос ќе биде информиран од грчките полицајци за ситуацијата.

Ден подоцна, високиот комесар ќе оствари средби во Атина со грчкиот државен врв, а во петок ќе отпатува за Кипар, јави дописничката на МИА од Атина.