Кулибали е подготвен да ја заврши кариерата во Наполи

Дефанзивецот на Наполи, Калиду Кулибали изјави дека не му пречи да ја заврши кариерата во клубот. Дефанзивецот го бараат голем број европски гиганти, но вели дека не размислува за заминување.

– Моето семејство се чувствува многу добро овде и тоа ме прави да се чувствувам среќен. Не сакам да бидам познат како „г-дин 100 милиони“. Колку чинам јас одлучуваат газдите, јас мислам само на моите перформанси на теренот, вели Кулибали за „Газета дело Спорт“.

Тој вели дека никогаш не разговарал со клубот за заминување.

– Мора да најдеме решение и ќе го сториме тоа, но никогаш не сме разговарале за пазарот на трансфери. Ќе видиме што ќе одлучи претседателот и дали ќе ми понуди продолжување на договорот што ќе ми овозможи да ја прекинам кариерата во Наполи. Сè уште имам договор за уште три години, така што има многу време. Не размислувам за ништо друго освен за Наполи, рече тој.

На прашањето дали е подготвен да го помине остатокот од својата кариера во Наполи, тој одговори: „Јас нема да кажам „не“ затоа што не сакам да лажам никого. Знаеме какви се работите во фудбалот. Може да кажете дека ќе останете и потоа веднаш да бидете продадени“.