Дибала: Јувентус веќе размислува како да го освои 10. последователен шампионат следната година

Напаѓачот на Јувентус, Пауло Дибала веќе најави атак на десеттото последователно Скудето.

Клубот од Торино, го има обезбедено деветтиот по ред шампионски трофеј, иако сезоната во Серија А не е завршена.

– Обожавам да победувам, како и моите соиграчи, како и нашиот клуб во целина. Ни помага многу што Јувентус има најсилни играчи на светот на секоја позиција. Горди сме на самите себе, успеавме да освоиме двете титули по ред, тоа е фантастично! Како и да е, ние веќе размислуваме како да го освоиме 10. последователно првенство, додека најголем дел од нашето внимание го насочуваме на настапот во Лигата на шампионите во август.

Јувентус на 7 август го пречекува Лион во реваншот од осминафиналето на ЛШ. На првиот дуел во Франција победи Лион со 1:0.