Ентони: Лилард е најдобриот играч со кој сум играл

Крилниот напаѓач на Портланд, Кармело Ентони го пофали својот соиграч Демијан Лилард.

Мело се натпреваруваше рамо до рамо со играчи како Алан Ајверсон, Крис Пол, Џејмс Харден, Расел Вестбрук и Пол Џорџ, но тој вели дека никој од нив не е близу до нивото на бекот.

– Демијан е најдобриот играч со кој сум играл. Никогаш не сум бил соиграч со толку влијателен играч кој знае да го крене тимот, тој е неверојатен лидер. Играв со многу одлични кошаркари, но тој е на врвот на мојот список бидејќи може да има позитивно влијание и на неговата игра и на неговите соиграчи, изјави Ентони за „Јаху Спортс“ по победата на Портланд над Мемфис минатата вечер со 126: 122 и пласманот на „пионерите“ во плеј-офот.