Конте и Интер се согласија за понатамошна соработка

Антонио Конте ќе продолжи да го води Интер, објави клубот од Милано на својата веб-страница.

На денешниот состанок на раководството на клубот со 51-годишниот Конте, двете страни разговараа за понатамошната стратегија за развој на клубот и се согласија за продолжување на соработката.

Претходно, медиумите во Италија објавија дека тренерот и раководството имаат многу несогласувања.

Минатата сезона Интер заврши на второто место во италијанскиот шампионат, а исто така стигна и до финалето на Лига Европа, каде загуби од Севиља со 3:2.