Хадсон-Одои би можел да стане играч на Баерн

Фудбалерот за врска на Челзи, Калум Хадсон-Одои може да се пресели во Баерн со договор за закуп, објави „Скај Спорт“.

Според изворот, селекторот на лондончани, Френк Лампард, сака 19-годишниот Англичанец да има поголема минутажа, па едногодишниот закуп би бил логична опција.

Минатата сезона Хадсон-Одои забележа 22 настапи во Премиерлигата за Челзи, постигнувајќи еден гол и реализирајќи пет асистенции.