Лејкерс на чекор до шампионскиот трофеј

Само една победа го дели тимот на Лос Анџелес лејкерс од освојување на титулата во НБА лигата. „Езерџиите“ рано утрово во четвртиот меч од финалната серија во плејофот го совладаа Мајами хит со 102:96 и поведоа со 3-1.

Леброн Џејмс вообичаено беше најдобар кошаркар во победничкиот тим. На „кралот“ му фалеа два асистенции за трипл-дабл. Тој мечот го заврши со 28 поени, 12 скокови и осум асистенции. Се истакна и Ентони Дејвис со 22 поена, девет скока и четири асистенции.

Кај Мајами, Џими Батлер беше пред троен ефект. На крајот во неговата статистка стои 22 поена, 10 скока и девет асистенции.

Петтиот дуел од серијата, кој може да биде и последен во НБА сезоната 2019/20, е закажан за ноќта меѓу петок и сабота (почеток 3 часот по македонско време).