Дејвис потпиша петгодишен договор со Лејкерс

Кошаркарот Ентони Дејвис го продолжи договорот со Лејкерс, соопшти прес-службата на тимот од Лос Анџелес.

Условите на новиот договор на 27-годишниот Американец не се обелоденети.

Според НБА инсајдерот на ЕСПН, Адријан Војнаровски, кошаркарот потпишал 5-годишен договор, според кој ќе заработи 190 милиони долари.

Договорот предвидува опција за раскинување пред последната сезона во 2024 година.