Кари го подобри сопствениот рекорд во постигнување тројки

Кошаркарот на Голден Стејт, Стеф Кари, го собори сопствениот рекорд во постигнување тројки во НБА лигата. На натпреварот одигран ноќеска против Далас, 32-годишниот Американец имаше 11 прецизни удари за три поени.

За Кари ова беше 16-ти натпревар во кариерата со 10 или повеќе постигнати тројки.

Најблизок до овој резултат на Кари е неговиот соиграч Клеј Томпсон со пет натпревари во кариерата на кои има 10+ реализирани удари за три поени.

Во сезоната 2020/21, Кари има просек од 28,2 поени, 5,5 скока и 6,1 асистенција по натпревар.

Средбата со Далас, Кари ја заврши со 57 поени, но и тоа не беше доволно неговиот тим да го избегне поразот со 134:132.