Малон и Брукс тренери на месецот во НБА лигата

Стратезите на кошаркарите на Денвер и на Вашингтон, Мајк Малон и Скот Брукс, се прогласени за тренери во месец април во Западната и Источната конференција, соопшти денеска НБА лигата.

Денвер под водство на Малон во април забележаа 13 победи во 16 натпревари, додека Вашингтон минатиот месец имаше ефект од 12 победи и пет порази.

За Малон ова е прво, а за Брукс шесто признание тренер на месецот во НБА лигата.