Адетокунбо може да се врати на седмиот натпревар со Атланта доколку има потреба

Лидерот на Милвоки бакс, Јанис Адетокунбо, најверојатно ќе го пропушти својот шести натпревар во финалето на Источната конференција со Атланта поради повреда на коленото.

Според „Јаху спорт“, во тимот на Милвоки се надеваат дека Адетокунбо ќе добие дозвола од лекарите да го одигра седмиот натпревар доколку има потреба.

Доколку Бакс загуби вечер по полноќ во Атланта, натпреварот број седум ќе се одржи во Милвоки ноќта понеделник кон вторник.

Гркот го повреди коленото за време на четвртиот меч од финалната серија на Исток и го пропушти петтиот натпревар.