Гостивар се засили со американски плејмејкер

Македонскиот кошаркарски прволигаш Гостивар ќе биде посилен во новата сезона со американски плејмејкер Маиш Дејли.

Дваесет и тригодишниот Дејли, висок 201 сантиметри, доаѓа во редовите на Гостивар од американската универзитетска НЦАА лига, во која минатата сезона настапуваше за Акрон Колеџ.

Дејли официјално е десетиот играч во ростерот на прволигашот од Гостивар за новата сезона во Првата македонска кошаркарска лига.