Србија против САД во првото полуфинале на олимпискиот турнир за кошаркарки

Репрезентациите на Србија и на Соединетите Американски Држави ќе играат во првото полуфинале на кошаркарскиот турнир за жени на Олимпијадата во Токио.

Ова е епилогот по првите две четвртфинални средби одиграни изутрина.

Најпрво Србија ја победи Кина со 77:70, а потоа САД со убедливи 79:55 ја совладаа селекцијата на Австралија.

Денес ќе се одиграат и другите две четвртфиналиња: Јапонија – Белгија и Шпанија – Франција.