Митрашиновиќ на прв тренинг во Тарбс

Капитенот на македонската кошаркарска репрезентација Анџелика Митрашиновиќ, се појави на првиот собир на францускиот прволигаш Тарбс.

Таа минатата сезона ја почна во Будуќност, ја доигра како кошаркарка на Баскет Кам, ја круниса со освојување на двојната круна, изборот за најкорисен играч во плеј-офот на македонската Прва лига.

Нов предизвик за Македонката ќе биде играњето за францускиот прволигаш Тарбс кој и посака добредојде.

– Анџелика е играч со кој и претходно имавме контакти. Конечно го добивме нејзиниот потпис, и сме среќни поради тоа. Таа е играч кој дефинитивно ќе биде откритие во францускиот шампионат, и убеден сум дека ќе биде способна да ги покаже сите свои напаѓачки квалитети. Очекувам тоа да се ефектуира во играта на тимот во наредниот шампионат. Добредојде Анџелика, изјави Франсоа Гомез, тренерот на овој француски женски прволигаш непосредно пред одработувањето на првиот тренинг, нешто како вовед во новата сезона.

Дваесет и осумгодишната Митрашиновиќ, за прв пат во својата кариера ќе игра во толку силна конкуренција.