Бруклин нетс се подготвуваат за домашни натпревари без Ирвинг

Екипата на Бруклин нетс се подготвува за фактот дека Кајри Ирвинг не е вакциниран против коронавирусот и нема да може да учествува на домашни натпревари и тренинзи во блиска иднина, објави „ESPN.com“.

Сегашниот закон во Њујорк бара најмалку една доза вакцина против Ковид-19 да биде потврдена за да се влезе во голем број затворени области, вклучувајќи ја и домашната арена на Нетс. Ограничувањата се однесуваат и на фитнес центри како што е тренинг центарот на тимот.

Ирвинг не можеше да присуствува на медиумскиот ден на тимот во Бруклин на 27 септември, но разговараше со новинарите преку видео врска.

Кошаркарот присуствуваше на претсезонскиот натпревар на тимот на гости против Лејкерс, но не играше.