Македонската кошаркарска федерација вечерва ќе ги додели признанијата за најуспешните

Македонската кошаркарска федерација ја продолжува традицијата на прогласување на најдобрите на крајот на годината.

На свеченоста закажана за вечерва, 19 часот и 30 минути,во хотелот „Лимак” Скопје, најуспешните годинава ќе ги добијат заслужените признанија.

– Ќе бидат прогласени вкупно 17 добитници на годинашните награди и тоа: најдобар кошаркар и кошаркарка, најдобар млад кошаркар и млада кошаркарка, најдобра машка екипа и женска сениорска екипа, најдобра машка екипа и женска екипа во младински лиги, најдобар тренер на машка екипа и женска сениорска екипа, најдобар тренер на машка и на женска екипа во младински лиги, најдобар играч и екипа во 3 на 3, најдобар кошаркарски судија, најдобар македонски кошаркар во странство и најдобра младинска репрезентативна селекција, информираат од КФСМ.

Федерацијата подготви посебни плакети и за бројните соработници што помогнале во реализацијата на плановите за оваа календарска година, а свое место на церемонијата ќе си најде и славната генерација од Европското првенство во Литванија, 2011 година.