НБА го скратува времето за карантин за вакцинирани, асимптоматски играчи

Вакцинираните НБА играчи и тренери без симптоми, по одобрените измени на правилата во лигата, ќе можат да го напуштат карантинот по шест дена, доколку тестовите покажат дека тие повеќе не се опасни во однос на ширењето на СОВИД-19.

Според официјалниот сајт на НБА, измените стапуваат на сила од понеделник, кога лигата го испратила соодветниот документ до клубовите.

Измените одобрени од НБА и синдикатот на играчи, дозволуваат претставниците на лигата повеќе да не треба да бидат во карантин десет дена.

Новиот протокол се однесува на играчите, тренерите, вработените во клубот и судиите. Играчите сè уште можат да го напуштат карантинот ако поминат два негативни теста во рок од 24 часа.

Заклучно со вчерашниот ден, 214 играчи на НБА беа ставени во карантин, од кои 201 во декември и 170 во последните две недели.