Одложени три од вкупно четири дуели во кошаркарската Евролига
Поради голем број заразени играчи во дел од клубовите одложени се три од четирите натпревари што беа закажани за во кошаркарската Евролига.
Последните информации говорат дека се појавиле многу позитивни тестови на коронавирус во редовите на Олимпијакос, кој поради тоа нема на располагање најмалку осум здрави играчи и не може да го одигра натпреварот против московска ЦСКА.
Претходно беа одложени и Армани – Алба и Фенербахче – Реал Мадрид.
Единствениот натпревар кој ќе се игра е меѓу Монако и Макаби.
