Адетокунбо го пропушти натпреварот со Портланд поради повреда

Tренерот на Милвоки бакс, Мајк Буденхолцер, соопшти дека најголемата ѕвезда на тимот, Јанис Адетокунбо го пропушти натпреварот против Портланд одигран ноќеска поради повреда на скочниот зглоб.

Милвоки загуби со 107:122 по лошата втора четвртина во која прими 40 поени, а даде 24.

– Јанис не беше подготвен да игра денес. Генерално повредата не е сериозна, да видиме како ќе се чувствува деновиве. Мислам дека ќе наскоро ќе се врати на теренот, информира Буденхолцер.

Дваесет и седумгодишниот Адетокунбо е двократен МВП во НБА-лигата. Во тековната сезона настапи на 47 натпревари со просек по натпревар 29 поени, шест асистенции и 11,2 скока.

Утре Милвоки ќе игра против Индијана.