Висок пораз на македонските кошаркари во Грузија

Македонската кошаркарска репрезентација остана без бодови и по третиот натпревар во квалификациите за пласман на Светското првенство 2023, откако вечерва убедливо загуби на гостувањето во Тбилиси со 70:91 (31:46), во првиот од двата февруарски натпревари против Грузија во рамки на групата Г.

Ослабени во составот без неколку стандардни репрезентативци, Македонците беа инфериорни на гостувањето во грузиската престолнина и со третиот пораз во серија останаа на последнито место во квалификациската група.

Војдан Стојановски со 15 поени беше најефиаксен во македонската репрезентација.

Реваншот против Грузијците е в недела во салата „Борис Трајковски“ во Скопје.

Избраниците на селекторот Драган Бајиќ, кој денеска не беше на клупата поради позитивен тест на коронавирус, ги започнаа мундијалските квалификации со два порази во ноемврискиот циклус. Македонскиот состав во првото коло на домашен терен беше поразен од Шпанија (65:94), а пораз уследи и на гостувањето во Украина (61:78).